Lista e 117 shteteve që e njohin Kosovën

Përgatiti: Endrit Berisha

Më 4 shtator janë bërë katër vjet qëkur Kosova, në kuadër të asaj që njihet si Marrëveshja e Uashingtonit, u pajtua për njohje të ndërsjellë me shtetin e Izraelit. Njohja u zyrtarizua më 1 shkurt 2021. E kjo ngelet njohja e fundit për shtetin e Kosovës deri tash.

Njohje diplomatike në të drejtën ndërkombëtare është vendim politik i një shteti për ta trajtuar një entitet tjetër si sovran. Te rasti i Kosovës e kanë bërë më shumë se gjysma e shteteve anëtare të Organizatës së Kombeve të Bashkuara.

Kosova shpalli pavarësinë më 17 shkurt 2008. Njohja e parë erdhi qysh atë ditë. Sipas listës zyrtare në ueb-faqen e Ministrisë së Punëve të Jashtme dhe Diasporës e Kosovës, Kosova njihet nga 117 shtete.

Serbia në disa raste ka raportuar për tërheqje të njohjeve, kryesisht nga vendet afrikane, por kjo është hedhur poshtë nga institucionet e Kosovës.

Në këtë listë të MPJD-së, e para njohje paraqitet ajo e Republikës së Kosta-Rikës, që është regjistruar në ditën e pavarësisë, më 17 shkurt 2008.

Data 18 shkurt 2008 del të jetë më e suksesshmja sa i përket njohjeve. Shtetet e Bashkuara të Amerikës, Franca, Shqipëria, Turqia, Mbretëria e Bashkuar dhe Afganistani e njohën atë ditë. Viti 2008 për Kosovën solli 53 njohje.

Një vit më pas, Kosova mori 11 njohje e më 2010 erdhën tetë njohje. Në dy vitet pasuese (2011 dhe 2012) Kosova mori nga 12 njohje. Më 2013 erdhën tetë njohje. Pas kësaj, nisi rënia e numrit të njohjeve. Nga viti 2014 e deri më sot, (9 shtator 2024), Kosova mori 13 njohje.

Lista e plotë e njohjeve dhe datat e njohjes: